Campionato Galego Sub-10 Open 2023

BASES TÉCNICAS

• Empregarase o programa VEGA para os emparellamentos.
• A sala de xogo é o Salón Sarela; o recinto de xogo é a propia sala e os servicios.
• Os sistemas de desempate serán:
1. Resultado do encontro directo. Este sistema aplicarase só se todos os xogadores empatados a puntos xogaron entre si.
2. Variante Brasileira do Bucholz -1 (quitando a peor puntuación)
3. Bucholz total
4. APRO (media do performance dos rivais)
A efectos de desempate no Bucholz as partidas non disputadas serán consideradas como se xogara contra un opoñente virtual.
• Lémbrase a tódo os xogadores que non poden traer teléfono móbil á sala de xogo. Asemade está prohibido traer calquera outro dispositivo electrónico ó recinto de xogo sen o permiso do árbitro.
• Os xogadores deberán comportarse de forma que non deshonren o xogo do xadrez; en caso contrario daráselles a partida por perdida.
• O tempo de espera será de 30 minutos de retraso con respecto á hora de inicio da ronda, quedará a criterio do Árbitro flexibilizar o tempo de tolerancia.
• A incomparecencia non xustificada dun xogador causará a súa automática eliminación do torneo.
• Non se permitirán análises de partidas na sala de xogo.
• Hai que notificar a algún árbitro u organizador cando, por razón xustificada, abandonen a sala de xogo no transcurso das súas partidas. Queda prohibido ós xogadores o acceso á sala de análise mentres as súas partidas estean en xogo.
• Non se permite comer nin beber sentado na mesa de xogo; para facelo deberán retirarse do taboleiro.
• Unha vez colocada a ronda en info64 haberá media hora para reclamacións. Pasado ese tempo, non se admitirá a trámite ningunha posible reclamación.
• A organización resérvase o dereito a modificar as Bases do torneo sen outra obriga ca de publicalas na páxina web oficial da federación ou no taboleiro de anuncios do torneo.
• Segundo a artigo 3.10 do Regulamento Xeral de Competicións, o Comité de Apelación estará formado polo director do torneo e os árbitros das categorías sub12 e sub16.
•Director dos Campionatos: Angel Francisco Vilas Fernández, vicepresidente da FEGAXA e coordinador do protocolo federativo coa Secretaría Xeral para o Deporte.

Padrón, 31 de marzo de 2023