I Nocturno O Grove

PREMIOS:
1º Clasificado: 200 € + Trofeo
2º Clasificado: 125 € + Trofeo
3º Clasificado: 75 € + Trofeo
4º Clasificado: 50 € + Trofeo
Premios Especiais:
Mellor Sub-2000: 50 € + Trofeo
Mellor Sub-1700: 50 € + Trofeo
Mellor Veterano (+50 anos): 50 € + Trofeo

BASES
1. ORGANIZACIÓN
Organiza: Club Xadrez Creacciona Cum Laude
Director do Torneo: Carlos de Andrés Oterino
Árbitro Principal: AI Evaristo Rodríguez López
A organización resérvase o dereito de realizar as modificacións que considere necesarias para o correcto desenvolvemento do torneo.
2. LUGAR DE XOGO
Confraría de Pescadores San Martiño de O Grove
Porto do Grove 36980 O Grove (Pontevedra)
3. DATAS E HORARIOS
Datas de competición:
• Mércores 1 de xullo 1ª rolda
• Xoves 2 de xullo 2ª rolda
• Xoves 9 de xullo 3ª rolda
• Venres 10 de xullo 4ª rolda
• Xoves 16 de xullo 5ª rolda
• Venres 17 de xullo 6ª rolda
Horario:
20:30 h – Apertura da sala
21:00 h – Inicio das partidas
A cerimonia de clausura realizarase inmediatamente despois da finalización da última rolda.
4. SISTEMA DE XOGO
• Sistema Suízo a 6 roldas.
• Ritmo de xogo: 60 minutos + 30 segundos de incremento por xogada desde o primeiro movemento.
• O torneo será válido para Elo FIDE estándar.
• Utilizarase o programa oficial VEGA para os emparellamentos.
• A orde inicial determinarase polo elo FIDE estándar, títulos oficiais e orde alfabética.
• Os emparellamentos e resultados publicaranse en Ïnfo64 e na sala do xogo. Tras a publicación haberá 15 minutos para reclamación; as rondas consideranse definitivas tras a resolución das reclamacións.
5. TEMPO DE ESPERA
O tempo máximo de espera será de 30 minutos desde o inicio oficial da rolda.
Transcorrido ese prazo, o xogador ausente perderá a partida.
6. BYES
Permitiranse un máximo de dous byes de medio punto nas catro primeiras roldas.
Os byes solicitados para as roldas quinta e sexta serán considerados byes de cero puntos.
7. DESEMPATES
Aplicaranse os seguintes sistemas de desempate:
1. Buchholz Brasileiro (BH-C1)
2. Buchholz Total (BH)
3. Average Buchholz of Opponents (AOB)
4. Average Performance of Opponents* (APRO)
De persistir o empate resolverase mediante sorteo.
* Para os xogadores sen elo considerarase un elo de 1400
8. INSCRICIÓNS
Cota de inscrición: 25 € por participante.
Prazo de inscrición: Ata o 25 de xuño de 2026 ás 20:00 horas.
Solicitudes:
Correo electrónico: creaccionacumlaude@hotmail.com
Teléfono: 623 049 547
Número máximo de participantes: 30 xogadores.
Será requisito indispensable estar federado na tempada 2026 para poder participar.
9. PAGAMENTO DAS INSCRICIÓNS
A cota de inscrición aboarase en efectivo na sala de xogo.
O pagamento deberá realizarse antes do inicio da segunda rolda.
Os xogadores que non teñan formalizado o pagamento antes da publicación dos emparellamentos da segunda rolda non serán emparellados ata regularizar a súa situación.
10. DEREITO DE ADMISIÓN
A organización resérvase o dereito de admisión e participación no torneo.
Poderá ser denegada ou revogada a participación de calquera persoa cuxo comportamento previo ou durante o evento poida prexudicar o normal desenvolvemento da competición, a seguridade dos participantes, a imaxe da organización ou o cumprimento das normas de convivencia e respecto mutuo.
A participación no torneo implica a aceptación expresa desta disposición.
11. DISPOSITIVOS ELECTRÓNICOS
Permitirase ter teléfonos móbiles e demáis dispositivos electrónicos de comunicación completamente apagados e gardados nunha bolsa, mochila ou pertenza persoal.
Queda prohibido o seu uso durante a partida.
Calquera son emitido por un dispositivo electrónico poderá supoñer a perda da partida de acordo coa normativa FIDE vixente.
12. PREMIOS
Clasificación Xeral
1º Clasificado: 200 € + Trofeo
2º Clasificado: 125 € + Trofeo
3º Clasificado: 75 € + Trofeo
4º Clasificado: 50 € + Trofeo
Premios Especiais
Mellor Sub-2000: 50 € + Trofeo
Mellor Sub-1700: 50 € + Trofeo
Mellor Veterano (+50 anos): 50 € + Trofeo
TOTAL EN PREMIOS: 600 €
Os premios non serán acumulables.
En caso de optar a varios premios, concederase o de maior valor económico e a igual valor segundo a orde no que están enunciados.
13. PAGAMENTO DOS PREMIOS
Os premios serán entregados durante a cerimonia de clausura do torneo.
Os premios en metálico serán abonados en efectivo pola organización inmediatamente despois da entrega de premios.
Os xogadores premiados deberán identificarse mediante DNI, Pasaporte ou documento equivalente se así o solicita a organización.
A ausencia inxustificada do xogador premiado na cerimonia poderá supoñer a perda do dereito ao premio.
14. DEREITOS DE IMAXE
A participación no torneo implica a autorización para a publicación de fotografías, vídeos, clasificacións e resultados en páxinas web, redes sociais, medios de comunicación e plataformas federativas relacionadas coa competición.
15. ACEPTACIÓN DAS BASES
A inscrición no torneo implica a aceptación íntegra destas bases, das Leis do Xadrez da FIDE e das decisións arbitrales.
As decisións do árbitro principal serán inapelables.
Calquera cuestión non prevista nestas bases será resolta pola organización e polo equipo arbitral conforme á normativa federativa vixente.
CLUB XADREZ CREACCIONA CUM LAUDE
O Grove, Galicia 2026