VII Torneo de Xadrez Vila de Ponteareas Escolar

DATA: O sábado 14 de decembro de 2024
LUGAR: CEIP PLURILINGÜE AS VEIGAS.
RÚA AZORÍN 5 (PONTEAREAS)
MODALIDADE E CATEGORÍAS: ESCOLAR E ABSOLUTA.
PARTICIPACIÓN E INSCRICIÓNS:
Categoría Absoluta: 5 €.
Categoría Escolar (nados no ano 2012 e seguintes): 5 €.
E-mail: xadrezponteareas@yahoo.es Teléfono: +34 627 249 951
Indicando: Nome, apelidos, data de nacemento do participante, categoría e club, colexio ou escola á que pertence. Data límite: venres 13 de decembro de 2024 ás 18:00 horas.
A inscrición inclúe unha camiseta conmemorativa do torneo e un agasallo da organización do evento.
SISTEMA DE XOGO E NORMAS:
SISTEMA SUÍZO a 7 roldas elaborado cun programa informático para as 2 categorías (Non se admitirán reclamacións aos emparellamentos, a menos que se producirán erros na introdución manual de resultados). Os xogadores da categoría Sub-6 y Sub-8 participantes na categoría escolar poderán solicitar ata 2 byes de medio punto.
NORMAS DE XOGO:

O torneo rexerase polas Leis de Xadrez da FIDE.
Ante calquera incidencia os xogadores deberán solicitar a presenza dun árbitro.
Unha vez finalizada as partidas os xogadores chamarán ao árbitro. Unha vez que este certifique o resultado, os xogadores deixarán as pezas na súa posición orixinal.
As decisións dos Árbitros serán inapelables.
Perderá a partida o xogador que non comparecese ante o taboleiro aos 15 minutos de que o árbitro dese a orde de comezar a rolda.
Na categoría escolar, á terceira ilegal o xogador perderá a partida.
A participación no torneo implica a aceptación e cumprimento das presentes bases e
demais regulamentación aplicable.
A participación no Torneo implica que os participantes, e en caso dos xogadores menores de idade, os seus pais, autorizan a publicación da súa imaxe e datos persoais nos medios que a Organización estime oportunos: listaxes de xogadores, clasificacións, emparellamentos, chessresults, vídeos, reportaxes prensa e televisión, etc.

A Organización resérvase o Dereito de Admisión

RITMO DE XOGO Y SISTEMAS DE DESEMPATE:
15 minutos + 5 segundos por xogada realizada.
1º.- Buchholz -1 FIDE (quitando o opoñente de peor puntuación). 2º.- Buchholz Total FIDE.
3º.- Acumulativo-Progresivo 4º Nº de victorias 5º.- Sorteo entre os xogadores empatados que opten a premios.
INAUGURACIÓN E CALENDARIO DE XOGO:
O sábado 14 de decembro as 10:45 horas. O calendario de xogo é igual para as duas categorías.
ROLDA DIA HORARIO
Rolda 1 14-12-2024 11:00 h.
Rolda 2 14-12-2024 12:00 h.
Rolda 3 14-12-2024 13:00 h.
Rolda 4 14-12-2024 16:00 h.
Rolda 5 14-12-2024 17:00 h.
Rolda 6 14-12-2024 18:00 h.
Rolda 7 14-12-2024 19:00 h.
ACTO DE CLAUSURA E ENTREGA DE PREMIOS:
O sábado 14 de decembro ás 20:15 horas procederase á entrega de premios coa presenza do Comité Organizador e Autoridades presentes.
TROFEOS E SORTEO DE AGASALLOS:
TROFEO aos 3 primeiros clasificados das seguintes categorías:

Absoluta
Escolar

TROFEO ao primeiro clasificado das seguintes categorías integradas na categoría absoluta:

Sub-2000 ELO FIDE.
Sub-1700 ELO FIDE.
Infantil (Sub-14): Nados no ano 2010 e posteriores.
Cadete (Sub-16): Nados no ano 2008 e posteriores.
Mellor xogador Veterano Nados no ano 1964 e anteriores.
Mellor xogador do Club Organizador.

TROFEO ao primeiro clasificado das seguintes categorías integradas na categoría escolar:

Pequeniños (Sub-6): Nados no ano 2018 e posteriores.
Pre-benxamín (Sub-8): Nados no ano 2016 e posteriores.
Benxamín (Sub-10): Nados nos anos 2014 e posteriores.
Alevín (Sub-12): Nados nos anos 2012 e posteriores.
Mellor xogador do Club Organizador.